Saytdan foydalanish shartlari

Ushbu sahifa Sug‘urtam.uz xizmatidan foydalanish tartibini tushuntiradi. Sug‘urta qoplamasi, istisnolar va polis shartlari tanlangan sug‘urtalovchining hujjatlarida belgilanadi.

Ma‘lumotlar va hisobga kirish

Rasmiylashtirish uchun aniq va hujjatlarga mos ma‘lumotlarni kiriting. Telefon orqali olingan tasdiqlash kodini hamda hisobga kirish ma‘lumotlarini boshqalarga bermang.

Narx va ariza

Landing sahifadagi kalkulyator taxminiy narxni ko‘rsatadi. Yakuniy narx avtomobil va polis parametrlari tekshirilgandan so‘ng belgilanadi. Ariza qoldirishning o‘zi polis chiqarilganini yoki sug‘urta kuchga kirganini bildirmaydi. 01/10 hududlari uchun operator mijoz bilan bog‘lanadi.

To‘lov va polis

To‘lovdan oldin muddat, haydovchilar, avtomobil ma‘lumotlari, sug‘urtalovchi va yakuniy summani tekshiring. To‘lov tasdig‘i yoki polisni olishda muammo bo‘lsa, operatorga murojaat qiling. Polisdagi ma‘lumotlarni tekshirib, nusxasini saqlang.

Keshbek

5% keshbek ro‘yxatdan o‘tgan mijozning to‘lovi tasdiqlangan polisiga hisoblanadi. Mehmon sifatidagi xarid uchun keshbek hisoblanmaydi. Hisobdagi keshbek va uni yechish amallari shaxsiy kabinetda ko‘rsatiladi.

Shaxsiy ma‘lumotlar

Ma‘lumotlarni qayta ishlash haqida Maxfiylik siyosatida o‘qing. Savollar, tuzatish va yordam so‘rovlari uchun quyidagi aloqa kanallaridan foydalaning.